وصلني عبر الايميل

حضوركم ومشاركتكم تهمنا ! كما ندعوكم لعرض الدعوة والحشد من خلال مدوناتكم ومنتدياتكم وصفحاتكم الالكترونية على الفيس بوك أو غيره

كما ندعو من يملك أي موهبة فنية (رسم ، غناء عزف ، كتابة أو شعر) للاتصال بنا للمشاركة في أنشطة الحملة المختلفة
ودمتم بحرية وسعادة

ديوان الخدمه المدنية

كان ودي اكتب الموضوع امس بس من القهر نمت طول اليوم
ومامداني اكتب

قعدت من النوم كالعاده من الفير لانه ادري انه بنزلون اسامي يديده بالجرايد
رحت يبت الجريده وقعدت متربعه على الارض سميت بسم الله وبطلت الجريده

طبعا في البدايه كنت مبتسمه على أمل انه الاقي اسمي بين ال 3 آلاف و 452 اسم
وفي اثناء البحث وقفت عند اسمين اهم خوات قلت سبحان الله شالصدفه خوات بنفس المكان
كملت ادور بين الاسامي الا هم اسمين قلت لا اله الا الله اخوان اثنين بنفس المكان سبحانه
دورت وراحت الابتسامه على الصفحه الاخيره
و هم لقيت اسمين اخوان بنفس المكان
صكيت الجريده
مابي اقول شنو قلت لما صكيت الجريده :P

اتجهت الى اللاب توب قلت يمكن مو حاطين اسمي بالجريده خل ادش على موقع الديوان
حطيت بياناتي ماكو نفس الشي كل مره انت مسجل ومؤهل للترشيح
قلت خل ادش صوب الرغبات اشوف
دشيت بالصدفه لقيت انه بعد سنه 3 اشهر تقريبا
مكتوب عفوا لاتوجد رغبات حاليه
انصدمت قلت يعني شلون مسجله ورقمي يتحرك وماكو رغبات
بس انا متوقعه منهم كل شي عادي

لانه قبل فتره تحديدا شهر 8
قلت خل ادش موقع الديوان حطيت رقمي المدني

www.csc.net.kw

جان يقول انه هالرقم غير مسجل
طبعا شهر 8 كان يصادف سنه بالضبط من تاريخ تسجيلي
طبعا اليوم اللي وراه من الصبح رحت انا وابوي بنعرف شسالفه
ماخلينا قسم مادشيناه
اخر شي دشينا عند واحد ولد حلال عسى الله يخليه ويرزقه ويوفقه
دلانا على مكان يطلعون منه ورقة تتبع حاله
رحنا وطلعنا الورقه تهقون شنو لقيت بالورقه ؟؟؟!!!!
لقيت انه بتتبع الحاله بعد تخرجي من الهيئه العامه للتعليم التطبيقي والتدريب
بعد التخرج هاا حاطين لي اني طالبه في التربيه
شلوووووووووووووووووووووووون محد يدري ولا احد يعرف
بجيت لا اكيد بجيت شي يقهر عشان يحطون ربعهم يأخروني انا ليش
طبعا سويت لويه يومها قتلهم مااطلع من المبنى الا بشرط انه يردون رقمي مثل ماكان
واحوس حوسه ثانيه بالمبنى كله لين ردوا رقمي مثل ماكان

فالاحد ان شاء الله راح اكون متجهه الى نفس المكان لمعرفة سبب عدم تسجيل رغباتي بعد هالمده الطويله
والله ولي التوفيق

بس عندي سؤال ديوان الخدمه المدنيه تبع اي وزاره ؟؟ ومنو وزيرها ؟؟

ايا ليت الشباب يعود يوما

طبعا العنوان تقريبا ماله شغل بس هذا اللي يي ببالي حزتها

----------------------------------------

في هالعيد حبيت اسوي شي يديد

طبعا انا ضد مسرحيات الاطفال الماصخه

اللي ماعندهم لاهدف ولا قصه

بس ماكو غير هااااااا وين راح يمين ولا يسار واليهال يصارخون يمييييييييييييييين واهو يقولهم مااسمع اعلى اعلى وهم يردون يصارخون

يبطون جبدي

هالسنه حجزت حق مسرحية هدى حسين قلت ابي اعيد ذكريات الطفوله ايام المسرحيات السنعه والقصص اللي لي اليوم هذا ماننساها

طبعا المسرحيه اهي غزلان وملك الفيران

هذي صوره من المسرحيه

اهي من اولها لي نهايتها مسرحيه غنائيه بحته

والاغاني حدها قويه وحلوه والقصه هادفه

وهند البلوشي كانت ابداع حدها

ذكرتني بأيام الطفوله

طبعا اول ماطلعت هدى حسين اخنقتني العبره:P

كل هذا كان حلو واحلى من الحلو بعد

-------

بس اللي مو حلو انه العرض المفروض يبدي على ال 9
بس للاسف بلش الساعه 10 الا ربع
والمسرح بعد عرضين كان حده حده وصخ