ظلت الافكار تروادني بخصوص الوظيفهتارةً
افكربالتوظيف بالقطاع الخاص
حيث الراتب المريح والعمل الشاق
وتارةً
افكر بالتوظيف الحكومي
حيث الراتب المتوسط والعمل المريح
تحدثت الى نور حياتي وملجأي في مخاوفي
أبي
فأشار علي ان التوظيف بالحكومه
فهو يريد الراحه لي
اما باقي أهلي واصدقائي فنصحوني بالقطاع الخاص
حيث الراتب المرتفع
والمزايا التي يمكنني الحصول عليها
احترت فعلا
اتعبني التفكير
لا استطيع ان اقرر
هل استمع لما قاله ابي او اسمع رأي الأصدقاء والأهل
تبهرني مميزات العمل الخاص
وتبهرني في نفس الوقت راحة العمل الحكومي
ومثل ما يقول المثل (( إسأل مجرب ولا تسأل دكتور )) اللي عنده خبره ومجرب القطاع الخاص و الحكومه
لايبخل علي بالنصيحه
وراح اكون ممتنه وشاكره
kuwaitya_7saweya
20 comments:
نصيحة من محامي جرب العمل حرا بالتوازي مع القطاعين ...
المسألة تحوي عنصر ثالث غير المال و الراحة في المفاضلة هناك عنصر مهم يغفلة اغلب الخريجين وهو التطور الوظيفي - الظلم المقنع ... انصحج من قلبي و قلبي عليج -عظمج طري الله يساعدج على مصائب العمل في الكويت- اذا ما يضايقج بعد عشرين سنه خدمه في قطاع حكومي ايا كان ان يأتوا بشخص خبرته عشر سنوات فقط كمدير لأدارتك و انتي لم تحظي حتى بمسمى رئيس قسم !! اذا هالشي ما يضايقج باب الحكومة رائع ... لكن اذا كنتي من الراغبين بالترقيه و التطور بناء على جهدج ابدا ابدا لا تفكرين بالحكومة ترا تقصر العمر والله اعلم ...
عموما لا تحتارين اعرفي الي تبينه الراحة لحد التقاعد دونما مردود الا في بعض القطاعات ولا حابه تكونين من صناع الأقتصاد مثل الفاضلات : شيخة البحر, مها الغنيم, صفاء الهاشم, هند الناهض و عبير البحر الخ ... ام تريدين ان تكوني س من الناس و مرتاحه بحياتج بيت و عيال ويمكن مدير حقير ما يندرا و يمكن محترم بس بالنهايه الشغل خفيف ...
جد لا اعلم لكن فترض ان الحيرة مثلا تكون في : هل اعمل في قطاع البنوك ام الأستثمار . اما ان تحتاري فيما بين الخاص و الحكومي ... صراحه لا مجال للحيره :)
انتي بعد ؟؟
ههه انا ان شاء الله على باب تخرج و محتاره كل واحد يشور علي بشور
حيروني اكثر
بخاطري اشتغل في بنك بس بهالحاله راح تواجهني مشكله دوام العصر.. ما احبه =\
و الوظايف الحكوميه اللي بتكون متاحه لي اداريه و مكتبيه بطلعها و بعد ما احب هالنوع من الروتين الممل
فانتي شتشورين علي :P?
تبين الصج مع اني مدرسه و معروف انه المدرسه مالها الا الحكومه بس متحسفه اني مارحت مدارس خاصه
انا درست بخاص فتره تدريب
بس بتربيه الخاص معاشهم اقل من الحككومه
بس باقي الشركات
المعامله و طريقه العمل عند الخاص تفرق عن الحكوومه
بس المشكله بالخاص انه ايدج على قلبج في سالفه انه يفنشونج يعني اذا ماعجبهم شغلج عادي يخلص العقد و يقولون مع السلامه
بس الحكومه لو تين في بجامه لووول و تنامين على المكتب اذا كلش كلش حولوج اداري
فالله يعينج لانه الاختيار صعب و تبين الصج كل مكان تعب حكومه ولا خاص انتي توظفي في المكان الي تحبينه لانه اهو الي راح يصبرج على ضييييييييم الشغل
good luck sweetee
salamz...
taher alkhateeb:
شكرا على النصيحه
ولا والله بالعكس يضايقني هالشي
وانا من النوع اللي مايحب الروتين
فما بالك عشرين سنه او اكثر بنفس المكان ونفس الشغل
بس هم مادري
ودي حيل بالقطاع الخاص لانه في حركه في انجاز وفي تقدير حق هالانجاز
ومشكور ويعطيك العافيه
-----------------------------------
shather:
اي مو هذي المشكله انه دوامين
وساعات يكون لي وقت متأخر بالليل وخصوصا انه لو كان عندج زوج واولاد
بس اذا انتي عزابيه مثلي دامج عارفه شنو تبين تشتغلين روحي قدمي اوراقج
لاتتأخرين
ويعطيج العافيه وموفقه
-----------------------------------
5roofa:
شفتي ليش انا حايره بين الاثنين
صج مادري شنواختار
القطاع الخاص ماتدرين متى يفنشونج
والحكومه ملل وروتين يبط الجبد
الله كريم
ومشكوره اختي خروفه
مثل ما قال الأخ طاهر الجمود الوظيفي هي سمة الحكومة و هي عيب و منفعة في نفس الوقت من ناحية الأعباء الوظيفية شغل الحكومة لي الساعة 2 و يخلص الساعة عشر و لباقي سوالف ونت اذا توفر وجرايد ...اذا كنتي من النوع الي تتعبة الراحة راح تتعبين .. مافي تقدير طبعا لان في الحكومة يستوي الذي يعلمون والذين لا يعلمون
بس نيحة وهذي مو ب لك علشانج بنت حتى للولد يقدر يوفق بعدين بين الوظيفة و الحياة الزوجية و دوام العصر و التلفونات الي ماتخلص ؟
طبعا الخاص صج معاشة قوي بس لازم يحللونة منج يعني مو خالي بلاش
اعرف بنات اشتغلو في الحكومة و رفضواالترقيات من نفسهم علشان لاتزيد مسولياتهم ويقدرون يركزون في بيوتهم
ونعرف بنات ناجحا في ادارة الأثنين
وكلة يعتمد عليج انتي لا تفكرين في المستقبل القريب ...
وبالتوفيق يارب .. معني طبيب و مالي مكان اول ما اتخرج الا الحكومة لكني لو كنت خريج تجارة او هندسة كنت اكيد راح افضل شغل القطاع الخاص
وبالتوفيق والله يكتبلك الخير ان شاء الله و دعواتنا وياج
الخيار صعب والنصيحة أصعب.
أنا أعمل لحسـابي والوظيفة عامة أو خاصة لم أعد أعرفها...
ربما عليك أن تفكري أيضا بما ترغبينه وليس فقط بما يقدمه المركز خصوصا أنك سـتمضين بعض الوقت هناك.
تحياتي
Sowhat:
والله هذا انا اللي قاعده اقوله
بس
هم خايفه من هالتجربه
مادري
يمكن مااقدر اوفق بين الاثنين في المستقبل
والحكومه ملل
--------------------------------
Straniero:
صح عدل كلامك
على قولة المصاروه ربنا يقدم اللي فيه الخير
يمكن إنتي نسيتي شي مهم تتكلمين بس عن الوظيفه ما تكلمتي عن التجاره ممكن اذا عندج موهبه بشي معين فكره يديه حتى لو كانت بسيطه على قولة الشاميين معه معه بيصير نصيحه من ...... ج اشغتلي بعمل حر او بوظيفه بقطاع خاص بس ها شركه معروفه ومنظمه عشان لا يضغطون عليج
بالتوفيق
وبطلنا نحب
Every time I go do some thing in a ministry and deal with ministry workers, I thank god that I work at a highly professional private company
You see, I'm a person who values professionalism more than the easy job. If I work in a government place, I would kill myself in 3 days.
Ask yourself what is more important to you? then put in the salary factor, and you will have your answer.
Mabrook 3al takharroj by the way :)
yoyo:
فكره حلوه ويبيلها تخطيط وتفكير
وانشالله راح يكون اختياري للعمل الخاص بشركه معروفه
ويعطيك العافيه
وبطلنا نحب يا يويو
---------------------------------
hitman1:
نفس الشعور اللي احسه لما اروح وزاره واشوف الموظفين المجاهدين
الله كريييم انشالله
والله يبارك فيك مستر كورفيت
ويعطيك العافيه
8 سنين فى القطاع الخاص
انفع انصح؟ واساعد؟
اوكى الحكومة عبارة عن قبر لان جربت الوظيفة الحكومية لمدة 10 ايام بس وفي هيئة محترمة بعد مو وزارة
ولكن موت موت موت
ماكو تطوير ومحسوبيه على الفاضي
ما اقولج ان القطاع الخاص ما فيه بس
الناجح ما يقدرون يهدونه
وخلج من الكلام اللي يقولوج ماكو امان وظيفي اذا الشخص اداءه ممتاز لا يمكن يتخلون عنه
اتمنى لج التوفيق بمستقبلج العملى
mishari:
شكرا على النصيحه
واجمعين موفقين يارب
بس 10 ايام
وتقول موت عيل شلون اللي يداومون سنين وبنفس المكان
لا خلاص شكلي راح اخذ قراري النهائي
والله كريم
يعطيك العافيه
اشهدوا يا جماعه قررت السيده الفاضله حساويه أن تهديني أول راتب لها بالكامل
وأبيكم شهود خاف بعدين تغير رايها فعليه وابتداء من اليوم بدعي بكل صلاه إن الله يوفقها وتلقى وظيفه مناسبه وممتعه وراتبها عالي طبعا
والله ولي التوفيق
بطلنا نحب
هلا اختي كويتية حساوية
انا عن نفسي اشتغلت بالقطاع الحكومي و بعدين في القطاع الخاص
كلام أبوج عدل بالنسبة لدوام الحكومه بس على حسب المسؤل
الراتب عادي
أما القطاع الخاص
انا موظف في شركة نفط الكويت
الدوام طويل و متعب
بس بصراحه تعودنا عليه خلاص
يعني صار عندنا عادي نرجع البيت الساعة 3:30
بس مادياً و لله الحمد مرتاحين
ومزايا مادية وايد غير المعاش
الإجازات عندنا أكثر من الحكومه
الحكومه 35 يوم احنا 45 يوم
بس تعبت وانا أكتب
بالتوفيق انشاءالله
yoyo:
لوووووووووووووووووووووول
من صجك
انته
خخخخخخخخخخخخخخخخخخخخ
مااسمع يقطع
اشوه مافي شهوووود
اجمعين موفقيييين
يارب
والله بطلنا نحب
physio-80:
هلا هلا اخوي
سلامتك من التعب
ودي اجرب بالقطاع الخاص
والحكومي
بس تدري مو على كيفي
انا يالله الحين قاعده ادور واسطات
حق وظيفه وحده
والله كريم
خلي المعاش على صوب أهم شيء تشتغلين شي تحبينه .. والله العمل الحكومي مقبرة و هذا تقريبا بكل العالم .. إثبتي ذاتج و روحي القطاع الخاص و تعلمي اللي ما تتعلمينه بحياتج كله في القطاع الحكومي هذا غير التدريب و إنهم يتعبون عليك بالخاص لأنهم بالأخير يبون إنتاجية.
صدقيني أنا بالحكومة و متحسف جدا إني مو بقطاع خاص. شالفايدة من وظيفة بس شرب شاي و قراية جرايد هل فعلا يحسون هالموظفين بأنهم عايشين ولا أموات.
غمضي عينيج و روحي الخاص و ترى بنهدج و بنخليج تتحدين على قولة الدعاية :P
مشكور اخوي مساعد
وماقصرت
كلامك شجعني
وهدوني خلوني اتحدى
Post a Comment