Saturday, September 29, 2007

kuwait-style

السلام عليكم
ادري يابنات انكم حايسيين على ملابس العيد


ويا شباب شايفين اهلكم خواتكم او زوجاتكم دايخين على ملابس العيد

لقيت blog




يتكلم عن ال fashion

بالكويت

وعن دور الازياء

والمعارض مثل بيت ديفا او دار يوشا وغيرها



وفي صور عن بعض الملابس الموجوده

وفي جم شغله مكتوب السعر يمها

انا استفدت وايد من هالبلوج


وريحني من الفراره اللي مالها معنى

ودليت اماكن يديده

فحبيت افيدكم

وانشالله ترتاحون من الحوسه

والله يعينكم يا شباب على الفراره والزحمه


وانشالله ترتاحون

28 comments:

حلم جميل بوطن أفضل said...

أفضل حل هو السفر خلال العيد. لا أذكر آخر مرة عيدت فيها في الكويت

+++++++++++++++++++++++++++++++++++

على الهامش: جربتي تمور البتيل اللي في الصالحية؟!!؟ يقولون أن الحساوية متقدمين بعريضة لحماية المستهلك و إستجواب لفلاح الهاجري لضبط أسعار التمور في رمضان

kuwaitya_7saweya said...

لا حلاته العيد بين الاهل والناس اللي تحبهم ويحبونك
------------------------
وماشي على هامشك بطوفها لانه انا طيبه ماعليه لووووووووووووول
لووووووووووووووووووووووووووول

Hitman1 said...

حلاته العيد تقضيه نايم

بلا هدوم بلا نيلة

Q8DOLL said...

تصدقين اليوم رحت معرض بالعديليه
في وحده تبيع جاكيتات بربريز حق الشتا لأنه شوي ثقيل مو وايد
وسوالف حلوه حق العيد
لحقي عليهم بعد
باجي اليوم وباجر

والسايت صراحه روعه
مالج شغل بردود الرياييل خايفين يفجون جيسهم
اشوه انه جيسي مني وفيني
ومحد يحاسبني شنو شريت
لو متزوجه يا حسرتي ألف عين وعين على اللي اشتريه

فريج سعود said...

والرياييل ما لهم رب ما تنصحينهم بمكان حق هدوم العيد
انا بقولكم عن مكان تشترون فيه هدوم العيد ولا منة الحساوية
يبا وين سوق الكويت وين السرداب الي تحت الجسر العوي وين دكان عباس تمباكي وين قبل نشتري الكردي ترى خوش دشاديش وبدينارين ونص رخص
بس ها عيبها شي واحد غولت الدشداشة مالت نفرين

kuwaitya_7saweya said...

hitman1:
عيد ونايم شلون
متى ناخذ العيديه
-------------------------
q8doll:
شكرا لازم امر اليوم
اي من صجهم شافوا ملابس للبنات احتروا
وشافوا فيها فلوس اللي يقولج بنام واللي يقول سفر
واحلى شي لما تكون الفلوس من جيسج
-------------------------
فريج سعود:
الرياييل حق العيد دشداشه وغتره وعقال و نعال وانته بكرامه
وخلاص
اما البنات لويه وشغل وبلاوي
اشدعوه منة الحساويه
واهم شي العيب الواحد
لووووووووووووووووووووووول

Anonymous said...

شخباري انتم ليما الحين تشترون ملابس العيد

شخليتوا حق اليهال

:)

اضحك معاح

مشكور على البوست

Kuwaitizen said...

الدشدشاشع وبس!

kuwaitya_7saweya said...

ابو شملان:
لازم نلبس شي يديد حق العيد
العفو:)

----------------------------
Kuwaitizen:
والله مرتاحين لاتحوسون بالاسوقه ولا شي

Barrak said...

شخباري العيد

بس هم عيدكم مبارك مقدما

وخوش سايت وانشاء الله مايدرون عنه اللي ببالي

kuwaitya_7saweya said...

barrak:
شنو شخباري العيد
العيد كل سنه
أيامك سعيده
وانشالله مايدرون
لوووووووووووووووووووووووووول

Selezya said...

thaaaaaaaaaanx
ماقصرتي حبيبتي مشكورة وايد
والله ريحتينا شوي
عالاقل نروح حق المكان سييده عارفين شنبي
مو يفتر مخنا بهالمجمعات
<< تعبت والله جم مره رايحه وماكو شي للحين

kuwaitya_7saweya said...

selezya:
welcome
افا عليكم تستاهلون والله
انا لاني شريت من احد الاماكن اللي حاطتهم بالبلوج فقلت لازم افيد البنات
وانشالله تلاقين اللي يعجبج

Fahad Al Askr said...

الناس أذواق، واللي ماشرى حق العيد لي الحين يسافر أحسن له، السوق نشف

kuwaitya_7saweya said...

عدل عدل
ولولا الاذواق لبارت السلع
انشالله يلقون اللي يعجبهم

Anonymous said...

الكل صاير دزاينر بالكويت
المصيبه ان لبس البنات عندنا صار يلوع الجبد
كله ريش والوان تبط العين
وين البساطه صار كله هلاقه



وبعدين سؤال ؟؟؟
ليش مسويا لوك على الكومنت ؟؟؟؟

خسرتني للأبد said...

الســ عليكم ــلام
اتصدقين المرتاح اهو الريال روح ود و ييب و اشتر و رجع صغير ضيج مو حلو
الريال دشداشة و غتره و عقال و عزج الله انعال قديمة للتوفير

kuwaitya_7saweya said...

وعليكم السلام

شفت شلون والله مرتاحين

mtfa2el said...

انا واحد ما اروح الا عند محمد غلام يخيط لي
دال دربي

kuwaitya_7saweya said...

احسن واحد
محمد غلام
خوش خياط

aaaaaa said...

تحياتي للنسايب

وبوصي مرتي الحساوية تقرى موضوعج

Selezya said...

mn ween shrety?

:p

`~MnO YeNSa! ~` said...

والله خوش سايت فيه اشياء حلوة وايد .. بس العيد الحيـــن تغير حتا البدلات مالهم زهزة مادري احنا قبل يهال كل شي يونسنا!!!
حيل استانست بسولفج ..

kuwaitya_7saweya said...

انور عبدالله:
تحياتي لك
اي اي وصها دام انها من الجماعه

-----------------------------
selezya:
شريت من بيت المزر ((دار يوشا)) اللي يصير ورا الكنيسه بشرق

kuwaitya_7saweya said...

`~MnO YeNSa! ~` :
احلو بالسايت انها تحط لج المحل او المعرض وتحط لج شويه من بضاعته
لا احنا كنا يهال كل شي يونسنا
لووول
انشالله دوم مستانسه بسوالفي وبدون سوالفي

kuwaitya_7saweya said...
This comment has been removed by the author.
Unknown said...

يمعودة انشاء الله ما يشوفنه اهلى وابتلش
خلينا جذى حلوين

kuwaitya_7saweya said...

mishari:
لووووووووووووووووووول
ان شاء الله مايشوفونه
شكلهم مدوخينك بالسوق