بوست قهر

كتبت هالبوست وانا مقهوره على ثلاثة ارباع شباب الكويت
ومنبطه جبدي من فريج سعود
http://freejsaud.blogspot.com/
بعرف شغله وحده بس انتوا يلي عاجبينكم الحريم الاجانب وتأبرني ما تأبرني
على شنو شايفين نفسكم
لحد يزعل هذا الصج
لايكون بس لايكون على بالكم انه انتوا ياشباب الكويت ملائكه ؟؟؟!!!
انتوا مافيكم ذره من الرومانسيه
الخيانه عندكم مثل شربت الماي
همكم بنطكم والسلام عليكم
وعينكم زايغه حتى لو بس بالنظرات


شوفوا الاجانب تعلموا
يحبها يداريها
كافي بس كافي انه اذا بتطلع معاه يبطل لها باب السياره لاتقول شنو سايق
لا مو سايق ومحشوم بس هذا نوع من الاهتمام بالطرف الثاني
بالمقابل المرا اللي تشوف ريلها يحبها ماتقصر
وهم لو مايحبها ماتقصر
جان ماعمرت هالبيوت

ومو كل بيت في زوجه اجنبيه بيت متماسك
كافي في بداية الامر اللي اهو الزواج من الاجنبيه الاهل مايكونون راضين
يمكن يرضون لانهم يحبون ولدهم ومايبون يزعلونه بس من داخلهم لا
ولا تقولون لي في لا لا لا مافي اهل يرضون ولدهم ياخذ اجنبيه
وين او وين تييك اجنبيه زينه مع اهلك وتحبهم
ومره قريت جمله مكتوبه على مدرسه بصباح السالم من زمان بس ما انساه اللي كاتبها كاسر خاطري بس ماعرفه كاتب
((الزواج من الاجنبيه مصدر تعاسة وتفكك الاسره الكويتيه))

اللي بيته بصباح السالم اكيد مار عليها

"" خصوصا الفلبن باطين جبدي ""
مابي اعلق على اي جنسيه عربيه اخاف يصير هواش وانا مابي ازعل احد

واعيد اللي قلته بكومنتاتي ببلوق فريج سعود
" اول شي الاجنبيه بتاخذ الجنسيه الكويتيه؟؟!! يعني فلبنيه او ايا كانت جنسيتها بتصير كويتيه لا وعندها واحد من اهلها يشتغل مراسل بالديوان يسوي لها واسطه وتتوظف قبلنا احنا الكويتيين وعقب ماكانت تشتري طابع حق المستوصف راح تتعالج ببلاش"

"ثاني شي اللي عرفته انك ياكويتي تاخذ بس 2000 واهي يعني عشان تاخذها تقولك لا مابي بس 1000 اجهز نفسي وخرابيط وبعدها تطلع ال 1000 وال 2000 وال 10000 من عينك"

"وبعد تييب اهلها واللي يعزون عليها بكرت زياره وفجاه تصير اقامه وتعال سجلهم على كفالتك ودور لهم شغل وسكنهم ببيتك على مايلاقون بيت ويتعدل وضعهم وهذا شي ماراح يصير"

"تسوي لك سحر عشان تدفع لها من غير ماتحس"

"هذا طبعا غير تقولك ابي اشتري شقه بديرتي باقي جم واحد من اخواني لازم يسكنون بشقه مايصير حرام وانته طبعا مسحور روح واشتر الشقه"

وبعدين ليش الريال بس يبي
يبي مرته تصير نفس فلانه اللي تطلع بالتلفزيون
يبي مرته يصير جسمها هم نفس الفلانه اللي تطلع بالتلفزيون
يبي مرته تعيش قصة حب (( نور ومهند )) الملاقه
يبي مرته تشتغل وتطبخ وتنظف وتجابل عياله واهو منسدح مجابل التلفزيون او طالع مع ربعه او الديوانيه" 24 ساعه" لحد يقولي يعني مانروح الديوانيه لا روح استانس انته تبي وقت لك بروحك روح بس بحدود
لا يرد تالي الليل يبيها قاعده تنطره بعد لا ومبتسمه والله في وايد حريم يسوونها ينطرون
زين والله مايقولها صرفي على البيت

عمره ما سأل نفسه وقال انا ابي وابي وابي
اهي شنو تبي اهي تداريني وانا لاهي عنها
ليش اللوم كله على المرا هل لانها انسان ضعيف
صح ضعيفه بالجسم والشكل مهما كان وزنها هههه
بس قلبها قوي ومتحمله رجل اهو مايتحمل نفسه

واخر شي تقولون الاجنبيه

شوي شطيت عن موضوع الزواج من الاجنبيه
بس والله على قولتهم قلبي متروس

لحد يزعل هذا رايي الشخصي